Í morgun sagði ég við Herdísi...."oj hvað það er vont veður úti"
Þá sagði hún..."eigum við ekki bara að vera inni í dag?"
Þá sagði ég..."jú þið verðið ábyggilega bara inni í leikskólanum í dag"
Þá sagði hún..."nei eigum við ekki bara að vera heima í dag?"

Litla dúllan...ég hefði sko alveg verið til í að vera bara heima í dag með snúllunni minni uppí sófa á nátturunum með heitt kakó og kex glápandi á Madagaskar...

Talandi um Madagaskar...við mæðgurnar skelltum okkur á McDonalds í gærkveldi og þar sem við stöndum í röð við afgreiðsluborðið byrjar mín..."Ég fíla'ð dilla dilla...ég fíla'ð dilla dilla" ....(syngist eins og lagði "I like to move it move it")....og hristi sig alla sem mest hún mátti...þetta var alveg óborganlegt og vakti mikla kátínu hjá nærstöddum sem og móður hennar

http://youtube.com/watch?v=lj3iNxZ8Dww&mode=related&search

Vá það á aldeilis að fjölga mannkyninu. Hér er listi yfir þær óléttínur sem ég veit um:

September:
Gunna: Búin að eiga stelpu
Þórhildur: Á von á strák, gæti verið búin

Október:
Birta: Kyn ekki vitað
Anna Sigga: Á von á stelpu

Nóvember:
Yours truely: Á von á stelpu
Jóhanna Edith: Á von á stelpu

Desember:
Kolla: Kyn ekki vitað
Inga: Á von á stelpu

Janúar:
Herdís: Á von á strák

Febrúar:
Ingrún: Kyn ekki vitað

Mars:
Birna syss: Kyn ekki vitað

Aprílbumbur vinsamlegast gefið ykkur fram!

Guð hvað ég er fegin...ég er búin að standa í þeirri meiningu að það væri þriðjudagur í gær og miðvikudagur í dag þangað til ég kíkti í Blaðið áðan...
Sannarlega ánægjulegt þegar vinnuvikan styttist svona hjá manni En eins gott að misskilningurinn var leiðréttur því annars hefði ég misst af kaffihúsakvöldinu í kvöld og rokið af stað með Herdísi á leikskólann á morgun og komið að luktum dyrum þar sem það er starfsdagur. Ég hefði ábyggilega svo ekki einu sinni fattað það strax því það hefur komið fyrir áður að við mæðgur stóðum fyrir utan og biðum eftir að einhver starfsmaður kæmi og opnaði búlluna.

En já það var sem sagt Blaðið sem made my day to day

Hægðatregða er einn meðgöngukvillunum sem gæti byrjað að gera vart við sig.  Breytingar á blóðrásarkerfi geta valdið því að blóðþrýstingurinn lækkar á þessu tímabili og því gætir þú fundið fyrir svima.  Þetta getur einnig gerst þegar þú liggur á bakinu vegna þess að legið sem alltaf verður þyngra og þyngra þrýstir þá á stóru bláæðina í kviðarholinu sem flytur blóð til hjartans frá neðri hluta líkamans.  Ef þú finnur fyrir svima þegar þú liggur á bakinu, skaltu snúa þér á aðra hvora hliðina.  Efri brún legsins er nú á móts við naflann. Þegar þú þreifar á barninu geturðu fundið fyrir hinum ýmsu líkamshlutum.

Nú eru skilningarvit barnsins að vakna til lífssins. Eftir að það er fætt gæti það munað eftir lögunum sem þú ert að syngja fyrir það núna. Einhvern daginn þegar þú ert alveg vitlaus í skapinu er barnið þitt sama sinnis og sparkar allt hvað af tekur. Það er mögulegt að börn sem fæðast við 24 vikna meðgöngu geti lifað af fái þau notið umönnunar á nýburagjörgæslu en það er þó alls ekkert öruggt í þeim efnum.  Stærsta vandamálið er að lungun eru ekki nógu þroskuð og þess vegna þarf fyrirburinn aðstoð við öndun.  Barnið er ennþá mjög grannt en fer að bæta á sig úr þessu.  Það vegur nú um  630 grömm og lengd frá höfði að rófubeini er um 21 sm.

Henni er örugglega ekki hlátur í huga

Ég bara varð að deila þessari frétt með ykkur sem ég rakst á á Seagal-síðunni hjá Hilla og þeim hehehe:

Góða helgi

Þetta er alveg magnað...sjáið hvernig þarmarnir og innyflin þrýstast upp

http://www.umm.edu/pregnancy/000088.htm

Vika 23

• Súrefnisþörf fóstursins er fullnægt með því súrefni sem það fær gegnum fylgjuna en á því augnabliki sem barnið fæðist þarf það að taka við því hlutverki.  Lungun þurfa að undirbúa sig fyrir það.  Nú hefst framleiðsla á svokölluðu ,,surfactant" en hlutverk þess er að varna lungnablöðrunum frá því að falla saman. 
• Fóstrið mælist yfir 20 sm og vegur um 520 gr. 
• Innra eyra fóstursins er nú fullþroskað og þróun jafnvægisskyns er hafin. 
• Nú leynir sér ekki lengur á útliti hinnar verðandi móður að hún er barnshafandi. 

Þá er maður orðin 28 ára...nálgast óðum í 30  Annars er ég ekki ein af þeim sem hræðist eða líður illa með það að eldast...mér finnst það bara gaman (allavega ennþá) Dagurinn hefur bara verið með besta móti...var reyndar dálítið stress og mikið að gera í vinnunni strax í morgun en það er bara krefjandi og skemmtilegt...tíminn líður þá miklu hraðar og manni leiðist allavega ekki. Ég kom með þessa líka dýrindis frönsku súkkulaðiköku með snikkerskremi með mér í vinnuna og kvennsurnar áttu bara ekki orð til að lýsa hrifningu sinni yfir henni. Þetta var frumraun mín í franskri súkkulaðikökugerð þannig að maður er bara nokkuð ánægður með niðurstöðuna...sérstaklega sökum þess að það hefur aldrei legið nógu vel fyrir mér að baka...ég er meira fyrir það að elda...er svona slump-manneskja...dass af þessu...dass af þessu og smakka sig til en það er víst ekki gæfuleg aðferð þegar verið er að baka...þá þurfa öll hlutföll að vera nákvæm og rétt til að hlutirnir gangi upp. Hann Diddi minn er einmitt svona nákvæmnis-manneskja...hann mælir allt sem mögulega er hægt að mæla og gerir hlutina nákvæmlega eins og þeir eiga að vera...enda líka er hann snilldar bakari og sér oftast um þá deild á þessu heimili Hann myndi t.d. aldrei taka upp hamar og nagla og reka hann í gegnum vegginn til að hengja eitthvað upp án þess að taka fram málband og hallamál...ef ég ætti að gera þetta myndi ég taka naglann og reka hann bara svona ca á réttan stað...enda líka fæ ég ekki að koma nálægt svona hlutum...kannski sem betur fer
En svo ég haldi áfram með afmælisdaginn minn, þá sótti ég Herdísi á leikskólann og brunuðum við í Smáralindina og versluðum í matinn því ég var búin að bjóða mömmu, pabba, Hilmari, Kollu, Birnu og Loga í mat. Við keyptum hrikalega góðar svínalundir sem Diddi smellti á grillið og allir voru mettir og sáttir og sérstaklega ég þar sem ég fékk stórglæsilegt úr frá fólkinu mínu í afmælisgjöf...takk fyrir mig  Semsagt...bara góður dagur í alla staði og ekki spillti nú þetta yndislega veður fyrir.

Frægur sem á sama afmælisdag og ég:

Geraldo Rivera